خارج الصندوق

ملعب الناشئين – كوارشى ادارى قطاع وادى دجلة فى ضيافة ايجى سبورت لأول مره

حوار / هشام ضياء الدين

كعادة موقع “ايجى سبورت” فى تسليط الضوء على كل المواضيع التى تشغل الرأى الكروى والمواضيع التى يتناولها المشجعين والمتابعين للموقع, اليوم كابتن أيمن كوارشى مدير ادارى قطاع وادى دجلة وكابتن محمد بسام ميدو مدير ادارى فريق 2001 بالنادى, في ضيافة موقع ايجي سبورت للحديث عن عدة مواضيع تخص قطاع الناشئين فى وادى دجلة بشكل خاص وعلى مستوى قطاعات الناشئين بمصر بشكل عام.

وبداية حوارنا كان مع كابتن أيمن كوارشى المدير الادارى وتناولنا بعض الأسئلة والمواضيع الهامة.

1- كان من المعتاد على وادى دجلة عدم اقامة اختبارات لقطاع الناشئين, ولكن هذا العام اختلف النظام وأقيمت اختبارات .. هل أضافت جديداً أم النظام السابق كان أفضل وهو عدم الاعتماد على أختبارات كل عام؟.

“طبعاً فرقت كتير وجالنا أعداد كبيرة جداً كويسه فى الاختبارات وقيدنا عدد كبير جداً وأستفادنا أوى منهم, خصوصاً اننا نزلنا أقاليم زى “الشرقية” و”منيا القمح”, وبعض مراكز الشباب فى أقاليم أخرى فرقت معانا جداً, ودعمت من القطاع جامد عكس السنين اللى فاتت مكنش بيبقي فى الدعم الكبير اللى بقي متواجد فى القطاع الموسم ده”.

2- رأيك هل مشاكل قطاعات الناشئين فى مصر سببها سوء مستوى لاعبين ولا سوء تعامل اداره؟ 

“بص هو الحمدلله وادى دجلة مفيهوش الكلام ده ولا المشاكل دى والادارة بتدعم القطاع والفريق الاول بشكل كبير, وقطاع الناشئين بيدعم الفريق الاول بشكل كبير برضوا والدليل على كدة وجود 6 لاعبين من القطاع فى معسكر الفريق الاول, الحمدلله وادى دجلة نادى يدار ادارياً بشكل رائع وعنده كوادر بتفكر وبتدعم الفريق والقطاع ومفيش مشاكل”.

3- بالنسبة للمشاكل اللى بتأثر على قطاعات الناشئين وكرة الناشئين فى مصر بشكل عام ايه اسبابها؟.

” كثرة موضوع التسنين والتزوير فى الأوراق, وأوراق اللاعبين بتكون مضروبة والكلام ده للأسف موجود فى كل الأندية الا وادى دجلة الحمدلله, عندنا هنا بنعمل بحث وبنكشف عن كل لاعب علشان نعرف هل فعلاً سنه الحقيقى ولا فيه أى مشاكل فى الورق ومبنخليش فى القطاع أى حد يثير ازمات الحمدلله من الشكل ده”.

4- ازاى نقدر نواجهة المشكلة اللى بتواجهه كرة الناشئين فى مصر؟.

“نواجهها بالادارة الناجحه, يكون فى كشف لجميع لاعبى الاندية وعدم السماح بالتزوير والتسنين لأى من اللاعبين فى أى نادى واعطاء الفرصه اللى بجد للناس اللى تستاهل مش لأى حد علشان يبقي فى فرصة للعيبة تظهر نفسها أكتر”.

5- خارج عن وادى دجلة .. رأى حضرتك فى التشكيل الأفضل للموسم المنتهى من الدورى المحلى, وأفضل مدير فنى وأفضل رئيس نادى؟.

” انا مش عايز أظلم حد بس الأفضل من وجهة نظرى وليس بالجوائز او البطولات .. فى حراسة المرمى “شريف اكرامى”, خط الدفاع من اليمين للشمال “احمد فتحي, علي جبر, سعد سمير, أحمد حمدى”, خط الوسط “طارق حامد, محمود متولى, شيكابالا, عبدالله السعيد, وليد سليمان”, مهاجم وحيد “عرفة السيد” … أفضل مدير فنى من وجهة نظرى بعيداً عن البطولات “حسام حسن”, وأفضل رئيس نادى أ.ماجد سامى”.

ابراهيم عبد الغفار

محرر وكاتب ورئيس مجلس ادارة موقع ايجي سبورت

اترك تعليقاً

إغلاق
%d مدونون معجبون بهذه: