ايجي سبورت - وجه إبراهيم سعيد نجم الأهلي ومنتخب مصر السابق، رسالة شكر للاعبي القطبين ولعدد كبير من لاعبي الكرة وزملائه داخل المستطيل الأخضر وعدد كبير من الفنانين، بعد خروجه من السجن، ويستعرض تحيا مصر التفاصيل. 

ابراهيم سعيد يشكر لاعبي الأهلي والزمالك 

وكتب إبراهيم سعيد على صفحته الرسمية: «الأزمات والمواقف الصعبه هي اللي بتظهر ليك من بيحبك .. شكرا زوجتي بنت الأصول  الغاليه علياء علي صبرك وقوتك وعزيمتك في ظل الظروف الصعبه اللي مرينا بيها وكنتي اقوي منها وشكرا لأمي الحبيبه علي صبرها ودعواتها لي». 

وأضاف إبراهيم: «عشت ٤ شهور صعبه والحمد لله علي كل حال وقدر الله ماشاء فعل كل الشكر لمن ساندني في محنتي والاهتمام بأسرتي في ظل غيابي 
اداره قناه النهار استاذ علاء الكحكي مالك قنوات النهار ، استاذ فادي علي ، محمد الجازوي وأستاذ سامي عبد الراضي وجميع العاملين في قناه النهار اخواتي وعائلتي». 

وواصل: « وكل الشكر لكابتني واخويا الكبير كابتن مصر والنادي الاهلي كابتن احمد شوبير علي وقفته من اول يوم في أزمتي ومعه كابتن سيد عبد الحفيظ والاهتمام والتواصل دائما مع أسرتي وكابتن شادي محمد  وشكرا لأداره النادي الأهلي وجماهيره واخويا وصديقي وائل الإمام والمدرج الأهلاوي وجميع اللاعبين من الأهلي والزمالك اللي دائما في ضهري بعد ربنا  وشكرا للمستشار محمد رشوان تواجد في وقت صعب ولكن كان نقطه تحول كبيره في أزمتي وبشكر فريق العمل معه المحترم». 

وتابع: «شكرا للنجم مؤمن زكريا علي اهتمامه والسؤال  عني ودعمه لي وشكر ايضاً خاص  للنجم شيكابالا علي دعمه ومساندته لي واتمني له التوفيق فيما هو قادم واللاعبين زيزو وأفشه وكهربا  وعمر جابر وشريف حازم  واحمد حسام ميدو وكابتن احمد حسن الصقر  وكابتن طارق مصطفي  وشكرا لأخواتي واصدقائي من الفن  الفنان تامر حسني وتامر عاشور و الممثل  احمد فهمي». 

وأتم إبراهيم سعيد: «اسف لو نسيت حد وبشكر كل من ساندني وده المتوقع من اخواتي وحبايبي والحمد لله علي كل شي وقدر الله ماشاء فعل». 

محمود عبد الرازق شيكابالا

قام محمود عبد الرازق شيكابالا نجم الزمالك السابق، بدعم إبراهيم سعيد لاعب الأهلي السابق، وذلك بعد الأزمة التي يمر بها في الفترة الحالية وبعد خروجه من السجن.

وكتب محمود عبد الرازق شيكابالا على فيسبوك، الكابتن إبراهيم سعيد من أبرز مدافعي جيله، وتاريخه مع الكرة المصرية ما يقدرش حد ينكره، والنهاردة، وهو بيمر بأزمة، مش مقبول نشوف شماتة أو استغلال للموقف للهجوم عليه.

وتابع محمود عبد الرازق شيكابالا، الأصول بتقول نقف جنب اللي محتاج مساندة نفسية، مش نرمي عليه حجارة، وكلنا ممكن نغلط، وكلنا ممكن نعدي بلحظات ضعف.

واختتم محمود عبد الرازق شيكابالا، بدعيله من قلبي إن ربنا يفك كربه، ويطلع من الأزمة أقوى من الأول.