ايجي سبورت - كشفت الفنانة سلوى محمد علي، عن مصادفتها لملامح شخصية «عبلة» التي جسدتها بمسلسل «فات الميعاد»، في الواقع وتحديدًا في حماة إحدى صديقاتها.

وأضافت سلوى محمد علي، خلال لقائها ببرنامج «ست ستات»: «هناك تعالٍ واضح عند بعض الأمهات، اللي شايفين أن أولادهم الذكور ليس من حق حد تاني يحبهم أو يأخذهم منهن، فضلا عن انتشار فكرة أن مش أي واحدة تستاهل ابني، كل هذه الأمور تجعل العلاقة بين الحماة والزوجة معقدة وصعبة من الأول».

وأشارت سلوى محمد علي إلى أن شخصية «عبلة» رغم قسوتها، إلا أنها جزء من الواقع، وتجسيدها لم يكن بهدف تقديم صورة نمطية للأم الشريرة، بل لكشف صراعات داخلية حقيقية تعيشها بعض النساء في المجتمع.

وتحدثت سلوى محمد علي عن سبب تحمسها للمشاركة في مسلسل فات الميعاد، قائلة: «لما اتعرض عليا دور عبلة، الست الشديدة، القاسية، الشريرة اللي مش سهلة، اتحمست جدًا، بس مكنتش متوقعة رد الفعل الكبير ده، لأن الناس دايمًا شايفين الأم بصورة طيبة ومثالية، لكن عبلة عكس ده تمامًا، ولأن الستات الهوانم اللي سبقونا في النوع ده من الأدوار قفلوه خلاص، كريمة مختار، وفردوس محمد، وأمينة رزق.. قدموه بأكمل صورة ممكنة».

واستكملت: «لكن الزمن اتغير، زمان كانت الأم هي الست الطيبة اللي قاعدة في البيت، دلوقتي الأم بتشتغل، بتكافح، بتحارب عشان بيتها، وهي كمان الأم والأب والصديقة، وكمان العصر ضغط على الأمهات، وضغط أكتر على الأولاد كمان، بسبب طموحنا الكبير ليهم في إننا عاوزين ولادنا يعرفوا كل حاجة وميغلطوش، بس يمكن الألطف إننا نسيبهم يعيشوا اللي بيحبوه».

أبطال وصناع مسلسل فات الميعاد

مسلسل فات الميعاد، من بطولة عدد من الفنانين أبرزهم: أسماء أبو اليزيد وأحمد مجدي، أحمد صفوت ومحمود البزاوي ومحمد على رزق وسلوى محمد علي وفدوى عابد وحنان سليمان ومحمد أبو داوود وولاء الشريف ومحمد السويسي وهاجر عفيفي وكريم أدريانو ومحمد خميس ونانسي نبيل وعماد إسماعيل وغفران محمد ويوسف وائل أنور.

والمسلسل من تأليف ناصر عبد الحميد وعاطف ناشد وإسلام أدهم، فيما أشرف على الكتابة محمد فريد، إخراج سعد هنداوي، مدير التصوير زكي عارف وموسيقى تصويرية عزيز الشافعي.

اقرأ أيضاً
رانيا فريد شوقي عن سبب غيابها: أختار أدواري بعناية وليس هدفي مجرد التواجد

بروفات مكثفة لـ أبطال مسرحية «حب من طرف حامد» لسرعة عرضها «صور»