ايجي سبورت - وقال إبراهيم المنيسي في تصريحات عبر فيديو تم بثه على قناته الرسمية بالـ«يوتيوب»: «أحمد عبدالقادر يرفض فكرة الرحيل من الأهلي على سبيل الإعارة، وحتى الآن العرض الأقرب للجدية من الحزم السعودي ولكن الأهلي لم يعلن عن تلقي أي حاجة رسمية لكن المفاوضات شغالة في هذا الجانب».

وأضاف: «حد بيقولي عبدالقادر مخلص مع الزمالك، أي المشكلة ما يخلص يا 100 فل، اه عبدالقادر لاعب كويس جدًا لكن لو رغبته الرحيل مينفعش يقعد في الأهلي بالعافية ولا يجب أن يبقى إلا كل لاعب ممتن ومقدر قيمة المارد الأحمر».

وتابع: «مبقاش عندنا احتراف يخلي الناس تلتزم بأي حاجة، وعبدالقادر لو مطلعش هيفضل موجود، وفي النهاية الأهلي هيقوله شكرًا مع السلامة سواء هيروح الزمالك أو بيراميدز أو المحلة براحته، الخارج مفقود والداخل مولود».

وأتم: «هيروح العرض السعودي ومن خلاله عايز يروح الزمالك، ما أنا عارف وفاهم إن ده كوبري ونفق، لكن في النهاية الأهلي وجمهوره ومسؤوليه عارفين، لا يبقى في النادي غير اللاعب اللي يقدر قيمة الأهلي وفرحان إنه لابس تيشيرت الأهلي».

يمكنك مشاركة الخبر علي صفحات التواصل