ايجي سبورت - علق الإعلامي أحمد موسى عن الحفر بلودر أمام الأهرامات، قائلا :" حد يطلع يقول لنا في ايه، وإيه اللي بيحصل بالظيط، وفين هيئة الآثار".

 أحمد موسى: حد يطلع يقول لنا في ايه

أكد الإعلامي أحمد موسى، خلال تقديم حلقة رصدها موقع تحيا مصر، برنامج «على مسئوليتي»، عبر قناة «صدى البلد»، أن منطقة الأهرامات أهم منطقة آثار في العالم.

وأضاف موسى “تم إرسال فيديو لي من أحد الأشخاص وأريد رد من الجهات المعنية المرتبطة بالآثار، مستدركا : «كلامي هنا مش بقصد بيه شخص معين، ولكن منطقة الأهرامات حتى دهشور هي منطقة أثرية، الفيديو اللي ظهر بوجود لودر يحفر في منطقة بجانب الأهرامات، وتحديدًا في مشروع الصوت والضوء”.

الإعلامي أحمد موسى: ما حدث هو مخالفة للقانون

وأشار الإعلامي أحمد موسى، الحفار اللي بيشتغل في المنطقة دي، المنطقة دي تم اكتشاف مراكب الشمس فيها، المنطقة دي فيها اكتشافات كتيرة، كلها آثار، المنطقة دي فيها معبد جنائزي، فأحنا عاوزين رد من هيئة الآثار للرد على ما حدث في منطقة الأهرامات".

واستدرك الإعلامي أحمد موسى، إحنا مش ضد التطوير، ولكن الحفار اللي شغال دا هل شخص متخصص، المنطقة كلها آثار هل السائق مدرب، ما حدث هو مخالفة للقانون، لأنه لا يوجد شخص "متخصص"، من الآثار.

واستطرد أحمد موسى: «ما يحدث اليوم غير طبيعي،أنا معرفش الكلام دا صح ولا غلط، بس عاوز الأثريين يطلعوا يقولوا لينا هل دا صح ولا لا، لازم الشركة اللي بتنفذ توفر مفتش آثار ومتخصص مع المرافق، محدش واقف ولا متابع ولا بيقوله خلي بالك، متسائلا "هل الطريق دي علمية وصحيحة، هل مفيش مفتش آثار يقول للحفار خلي بالك، قانون الآثار بيقول لا واللي بيحصل دا غلط، أي الضامن أن الحفار لا يؤثر ولا يكسر ما يصل له تحت الأرض.

الإعلامي أحمد موسى: التطوير لابد يكون في وجود مختصين

وناشد الإعلامي أحمد موسى، أتمنى كل المعنيين في هذا الأمر معرفة ما يحدث، بنقول تاني أحنا مش ضد التطوير، ولكن المنطقة دي كلها آثار، دي أهم منطقة أثرية، ولكن التطوير لابد يكون في وجود مختصين، أنا معرض الشركة اللي بتطور دي، أنا بسأل أهل العلم، هل أسيب المنطقة كدا، وفي معدات وأناس بتحفر بدون وجود متخصين، المنطقة كلها آثار».

واختتم الإعلامي أحمد موسى، أتمنى حد يطلع يتكلم يقولنا أي اللي بيحصل، عاوزين نوضح للناس، أزاي أنا اعمل كدا، هدفنا نحافظ على حاجتنا، ليه سايبن العملية دي بدون راقبة أو متخصصين والمفترض يكونوا هما متواجدين في المنطقة.