ايجي سبورت - أثارت الإعلامية سالي عبد السلام الجدل في الساعات القليلة الماضية وذلك بعد فيديو شاركته عبر حسابها الرسمي بموقع تبادل الصور والفيديوهات انستجرام تتحدث به عن الصلاة بالمكيب والمناكير، مشيرة إلى أنه أي شخص سيسألها عن الصلاة ستقول له أن يصلي في أي وقت.

سالي عبد السلام تثير الجدل بتصريحاتها عن الصلاة 

وقالت سالي عبد السلام فى فيديو رصده موقع تحيا مصر في الساعات الماضية: حاطة منكير وميكب بس متوضية قبله وهصلي.. اي حد هيسألني هقوله صلي حتى لو عامل اي أنا حرة واللي يقولك صلاتك باطلة ملكش دعوة بيه صلي وربنا هيتقبل لأنه غفور رحيم.

وتابعت: ولو حد قالي انتي جبتي فتوة من حد هقوله مش هتكلم في الدين أنا مش شيخة عشان محدش يقول سالي عبد السلام بتثير الجدل.

وسبق وظهرت سالي عبد السلام في فيديو من ايام أيضا وهي تقول: بصلي بالمانكير والميكاب عشان عندي شغل ومش عايزة اضيع المغرب.. ربنا غفور رحيم، ليه الناس غاوية جلد ذات، خلينا نشد بعض على الطاعة براحة.

سالي عبد السلام تفقد توأمها 

وكانت قد أعلنت سالي عبد السلام فقد توأمها في وقت سابق، قائلة: قدر الله وماشاء فعل من كام يوم.. وده بعد سنتين انتظار التؤام اللي كان نفسى فيهم اوى يا رب.. سنتين صبر وانت مفيش قدامك غير الصبر زى اى رزق والحمد لله ان اختبارى كان فى الصبر وبس مش اكتر وكنت طالباها تيجى من عند ربنا خالص ومن غير تدخل دكاترة.. الحمد لله على نعمة الاخذ بعد العطاء.. يا رب فقدت أغلى ما ليا.. واللى كان هيكون ليا.. الحمد لله.. قدرى الحمدلله أنا بكتب الكلام ده عشان يمكن حد يتعلم!.

وتابعت: اوعى تقولى انك حامل وخافى من العين واى كلام فى الموضوع ده بالذات اهه مقولتش وبرضه محصلش ومع احترامى ليهم العرسة بتخلف ده مش انجاز وهم لا يعلمون شيئاً، عشان كل ست اوعى تبقى ب ١٠٠ ست وتشيلى مسؤولية كل حاجة لوحدك "لوحدك".. الست الجدعة بجد مبتاخدش حاجة.. الست الجدعة محدش بيساعدها و كله بيرمى عليها وكمان لما منعرفش نبقى زيها نعطلها او نقلل منها وبمعنى اصح نبقى سبب فى سقوط كل حاجة فيها مش اطفالها بس ! يا ريتنى قولت مبعرفش او مش هقدر عشان موصلش لكدة! وهم لا يعلمون شيئاً.

سالي عبد السلام وتجميد البويضات 

وسبق وتحدثت سالي عبد السلام عن زواجها في سن كبير وقصة تجميد البويضات، قائلة: اتجوزت وأنا عندي 36 سنة وكانوا يطلعوني في البرامج يقولولي ايه رأيك في لقب عانس‎"، كما كشفت عن تجميد بويضاتها واتخاذها هذا القرار بعد الزواج بسبب عدم رغبتها في الزواج حيث قالت أن الزواج لم يكن يومًا في أحلامها أو خططها للمستقبل.